Асноўная ідэя інавацыйнага праекта і накірункі яго ажыццяўлення​

   Асноўная ідэя інавацыйнага праекта заключаецца ў распрацоўцы праграм “Духоўна-маральнае выхаванне вучняў 10-11  класаў на праваслаўных традыцыях беларускага народа” і забеспячэнні сістэмнасці ўкаранення ў дзяржаўнай установе адукацыі “ Гудзевіцкая гімназія”.

 

 Напрамкі ажыццяўлення праекта.

   Асноўнымі напрамкамі работы дзяржаўнай установы адукацыі “Гудзевіцкая гімназія” ў рамках заяўленых задач, накіраваных на фарміраванне духоўна-маральных каштоўнасцей вучняў 10-11 класаў на праваслаўных традыцыях беларускага народа і дасягненне якасці выхаваўчага працэсу, з’яўляюцца:

 

1. Работа з педагогамі:

• выкарыстанне святаайчыннай спадчыны як эфектыўнага сродку падрыхтоўкі педагогаў да працы па духоўна-маральным  выхаванні, які спрыяе самавызначэнню асобы ў сістэме духоўна-маральных каштоўнасцей;

• спалучэнне традыцыйных форм  навучання з інавацыйнымі, выкарыстанне гуманітарнай тэхналогіі (дыялагічнага метаду, метадаў самааналізу і самаацэнкі і інш.), якія прадугледжваюць авалоданне педагогамі  рэфлексійна-камунікатыўнымі навыкамі;

• актыўнае выкарыстанне формаў  і метадаў пазашкольнай дзейнасці (экскурсіі-паездкі, стварэнне і ўдзел у праектах і інш.);

• правядзенне з удзельнікамі праекта лекцый, семінараў, кансультацый па праблеме духоўна-маральнага выхавання культуры сям’і падлеткаў;

• арганізацыя адкрытых заняткаў, майстар-класаў, навукова – практычных канферэнцый;

• правядзенне пасяджэнняў педагагічнага савета і метадычных аб'яднанняў, якія прысвечаны стану работы па інавацыйным праекце;

• арганізацыя педагагічнай самаадукацыі ўдзельнікаў праекта па праблеме фарміравання духоўна-маральных каштоўнасцей падлеткаў на праваслаўных традыцыях беларускага народа ;

• калектыўная публікацыя педагогаў-інаватараў па выніках укаранення праграмы духоўна-маральнага выхавання падлеткаў на праваслаўных традыцыях беларускага народа.

 

2. Работа з бацькамі:

• знаёмства з праграмай “Духоўна-маральнае выхаванне падлеткаў на праваслаўных традыцыях беларускага народа”;

• арганізацыя дзейнасці па ўзбагачэнні сумеснага вольнага часу дзяцей і бацькоў, экскурсіі, паездкі;

• арганізацыя сямейных святаў свецкага і царкоўнага календара з прыцягненнем дзяцей і бацькоў да іх правядзення;

• падрыхтоўка і камплектаванне, падбор аўдыё і відэакасет цыклу “Духоўна-маральнае выхаванне падлеткаў на праваслаўных традыцыях беларускага народа”;

• сустрэчы са святаром;

• гутаркі па пытаннях, якія ўзніклі;

• арганізацыя “паштовай скрыні” для ананімных пытанняў;

• творчая лабараторыя па сумеснай працы;

• стварэнне ініцыятыўнай групы бацькоў на базе бацькоўскага аб’яднання;

• акцыі “ Міласэрнасць”, “ Клопат”.

3. Работа з навучэнцамі:

• правядзенне класных гадзін па “Асновах праваслаўнай культуры”, “Духоўна-маральнае выхаванне падлеткаў  на праваслаўных традыцыях беларускага народа”;

• арганізацыя святаў, такіх як Вялікдзень, Нараджэнне Хрыстова, Зажынкі, Дажынкі, Масленіца і г.д.;

• наведванне праваслаўных храмаў Мастоўскага раёна;

• удзел у Велікодных фестывалях, конкурсах духоўна-маральнай тэматыкі і г.д.;

• гутаркі з замацаваннем матэрыялу ў творчых работах пад кіраўніцтвам настаўніка;

• чытанне фрагментаў з Бібліі з наступным абмеркаваннем  і творчым заданнем;

• праца з тэкстамі, картамі, складанне крыжаванак.

 

4. Работа з праваслаўным прыходам:

У ходзе рэалізацыі інавацыйнага праекта ўкараняюцца ў практыку работы:

План сумеснай работы дзяржаўнай установы адукацыі “Гудзевіцкая гімназія” і прыходу Храма Раства Прасвятой Багародзіцы;

План мерапрыемстваў аддзела адукацыі Мастоўскага райвыканкама па выкананні Пагаднення аб супрацоўніцтве паміж Республікай Беларусь і Беларускай праваслаўнай царквой на 2012-2015 гады;

План мерапрыемстваў па выкананні праграмы канфесіянальнай сферы нацыянальных адносін і супрацоўніцтва з суайчыннікамі за мяжой на 2011-2015 гады (Рашэнне  Мастоўскага райвыканкама ад 11.05.2011г.);

Праграма супрацоўніцтва Міністэрства адукацыі РБ і Беларускай праваслаўнай царквы;

Метадычныя рэкамендацыі па арганізацыі супрацоўніцтва ўстаноў адукацыі з Беларускай праваслаўнай царквой, зацверджаныя Міністэрствам адукацыі Рэспублікі Беларусь ад 20. 12. 2011 года.;

Праграма развіцця канфесіянальнай сферы, нацыянальных адносін і супрацоўніцтва з суайчыннікамі за мяжой на 2011-2015 гады, зацверджанай рашэннем калегіі апарата Упаўнаважаных ад 26 студзеня 2011г. №1 па ўзгадненні з зацікаўленымі міністэрствамі, іншымі рэспубліканскімі органамі дзяржаўнага кіравання, аблвыканкамамі і Мінскім гарвыканкамам.

Дадзеная праца мяркуе:

ажыццяўленне асветніцкай дзейнасці сярод бацькоў і педагогаў інавацыйных калектываў па пытаннях духоўна-маральных традыцый беларускага народа;

удзел у выхаваўчых мерапрыемствах.